Antonis Samaras u lind në Athinë, më 23 maj 1951. Në 1969, pas kryerjes së arsimit të mesëm në Kolegjin Amerikan të Athinës, shkoi për studime në Shtetet e Bashkuara të Amerikës, fillimisht për ekonomi në Universitetin Amherst dhe më pas në Harward, për administrim biznesi. Tema e tij e diplomës ishte “Marrëdhëniet midis kompanive shumëkombëshe dhe qeverive”. Flet anglish, frëngjisht dhe italisht.

U zgjodh për herë të parë deputet me Demokracinë e Re më 1977 dhe në gjithë zgjedhjet që pasuan deri më 1993. Në vitin 1989 emërohet ministër i financave, ndërsa më pas po atë vit, ministër i jashtëm. Këtë post e mbajti deri më 13 prill 1992, kur dha dorëheqjen pas përplasjes me kryeministrin Micotakis për shkak të çështjes së emrit të FYROM; për të njëjtën arsye, në tetor të atij viti dha dorëheqjen edhe nga posti i deputetit.

Në qershor 1993, Samaras shpalli partinë e vet, “Pranvera Politike”, e cila në zgjedhjet e atij viti mori 4,88% të votave dhe zgjodhi 10 deputetë, ndërsa në zgjedhjet e shtatorit 1996, nuk arriti të kalonte pragun e 3 për qindshit, me rezulat të mbetet jashtë parlamentit.

Në zgjedhjet e marsit 2004, Antonis Samaras, me anë të një deklarate ftoi përkrahësit e partisë së tij të votonin për Demokracinë e Re dhe pak më vonë e shpërndau pranverën Politike. Pastaj shpalli rikthimin e tij në Demokracinë e re, me të cilën u zgjodh eurodeputet.

Në vitin 2007 rikthehet pas një mungese 11 vjeçare, në parlamentin grek, si deputet i Demokracisë së re, dhe në janar 2008, kryeministri Kostas Karamanlis e përfshin në qeverinë e vet, në postin e ministrit të kulturës.

Më 29 nëntor 2009, fitoi zgjedhjet për kreun e Demokracisë së re, në një votim të anëtarëve dhe miqve të partisë, ku morën pjesë 782.136 qytetarë.

Samaras është i martuar dhe baba i dy fëmijve, djalë e vajzë.



E Hene, 02 Korrik 2012