Pa protokoll, i veshur sportiv, kryeministri Sali Berisha ishte të dielën në mbrëmje një nga ndjekësit e shumtë në lokalet e kryeqytetit të ndeshjes finale të kampionatit europian të futbollit Itali-Spanjë.

Në shoqerinë e shumë të rinjve, që ishin mbledhur në lokal për të parë ndeshjen, Kryeministri Berisha ndoqi këtë finale mes emocioneve të sportdashesve të shumte që këto ekipe kane në Shqipëri.

Në bashkëbisedim me të rinjtë, Kryeministri komentoi se ndonëse nuk i kishte ndjekur të gjitha ndeshjet, per shkak edhe të një axhende te ngjeshur zyrtare, kompeticioni europian i futbollit është një garë e emocioneve te forta, e karakterizuar gjithnje nga dinamizmi dhe shpirti i gares.

I pyetur nga bashkëshoqeruesit e kësaj mbremje se kë ekip mbështeste ne kete finale, kryeministri komentoi se futbollin e ndiqte per bukurine e lojës dhe garën dhe se ai mbështeste gjithmonë ekipin që luan më bukur dhe qe meritonte fitoren.

Teksa shihte ndeshjen kryeministri u shpreh se sot ndeshen sulmuesi më i mirë i botës me mbrojtjen më të mirë të botës.

Per Balotellin, Kryeministri tha "ky eshte dhurata e Zotit për Italinë".



E Hene, 02 Korrik 2012