Një mision i Trojkës (Komisioni Europian – Banka Qendrore Europiane dhe Fondi Monetar ndërkombëtar) që fillimisht pritej të vinte në Athinë të hënën e kaluar, do të mbërrijë përfundimisht “në fillim të javës së ardhshme”, siç deklaroi një përfaqësues i Komisionit Europian.

Kur u pyet për datën në të cilën Trojka do të kthehet në Greqi, Amadeu Altafaj, zëdhënës i komisionerit për financat Olli Rehn, u përgjigj “në fillim të javës së ardhshme”.

Sa i përket kohëzgjatjes së misionit, Është gjithmonë e vështirë të parashikojmë se do të zgjasë kontrolli, kur bëhet fjalë për Greqinë”, shtoi Altafaj.

Edhe zëdhënësi i Fondit Monetar ndërkombëtar (FMN), Jerry Rice, konfirmoi se Trojka do të mbërrijë në fillim të kavës së ardhshme.

“Duam të nihemi me qeverinë e re dhe të diskutojmë pikëpamjet e saj”, tha Rice në një konferencë për shtyp, në selinë e FMN, në Uashington, duke sqaruar se do të ketë dhe një mision të dytë, me qëllim që të diskutohen me qeverinë greke mundësitë e ripërshtatjes së programit.

I pyetur nëse ekzistojnë hapësira për ndryshime të memorandumit, Rice theksoi se objektivat e programit të akorduar “vazhdojnë të përbëjnë bazën e negociatave”, duke shtuar se “nëse qeveria e re ka ide të reja për mënyrën se si mund të arrihen objektivat e programit, jemi të hapur për diskutime”.



E Hene, 02 Korrik 2012