Policia e Fierit ka hartuar një program të posacëm pune, ku detajohen në mënyrë të plotë dhe konkrete masat për sigurimin e rendit dhe qetësisë gjatë sezonit veror.

Sipas zëdhënëses së policisë, Enkeleda Hallkanjari, disa nga drejtimet kryesore ku është fokusuar aktiviteti i policisë janë: parandalimi i ngjarjeve kriminale, sigurimi i rendit dhe qetësisë publike, normalizimi i trafikut të qarkullimit, garantimi i qetësisë dhe rregullit në zonat turistike, në plazhe, gjatë vijës bregdetare ,kapja e personave të shpallur në kërkim policor,etj.

Fieri është nyja lidhëe mes gjymtyrëve gjeografike të vëndit dhe një zonë bregdetare në një gjatësi rreth 76 km, faktor që e bëjnë atë të mbipopulluar gjatë sezonit të verës.

'Për ti bërë ballë këtij mbipopullimi, fluksit të lartë të emigrantëve dhe pushuesve, shtimit të numrit të automjeteve,dëndësimit të trafikut rrugor, ne po koordinojmë dhe bashkëpunojmë ngushtë me institucionet e tjera shtetërore, organet e qeverisjes vendore, Njësinë e Policisë Rrugore", tha Hallkanjari.

Sipas saj, janë vendosur tabela me numrat e telefonave të shërbimeve të policisë, shërbimeve të emergjencës, si dhe tabela që orientojnë zonat turistike, qëndrat urbane, plazhet, rrugët e rrezikshme etj.

“Janë marë të gjitha masat në drejtim të rritjes së sigurisë në rrugë dhe parandalimin e aksidenteve rrugore,duke planifikuar shërbime policore shtesë,në akset rrugore Fier-Vlore, Fier-Rrogozhinë, Lushnje-Divjakë, Fier-Seman dhe Levan-Pisheporo,”tha Hallkanjari.

Në kuadrin e programit shtesë të policisë për sezonit turistik,një vëmëndje e vecantë i kushtohet bashkëpunimit me policinë kufitare, me FNSH, me shërbimin ziarrfikës, me qëllim parandalimin e ngjarjeve të mundëshme dhe dhënien sa më shpejt të ndihmës së parë.



E Hene, 16 Korrik 2012