Rreth një muaj pas zgjedhjeve të përgjithshme dhe krijimin e qeverisë, qytetarët deklarohen të zhgënjyer nga partitë dhe indiferentë për negociatat me Trojkën.

Në një sondazh që publikon të dielën gazeta To Vima, shumica e grekëve kërkojnë zhvillim ekonomik dhe shtimin e vendeve të punës, ndërsa ka rënë në vendin e tretë kërkesa për rinegociimin e memorandumit.

Gjithashtu, në masën 62,7%, qytetarët shprehen në favor të privatizimeve.

Sa i përket predispozicionit të votës, Demokracia e Re merr 23,6%, SYRIZA 20,7%, PASOK 11%, Grekët e Pavarur 6,4%, Agimi i Artë 7,4%, E majta Demokratike (DIMAR) 5,7% dhe partia Komuniste 4,8%.

Një ndër katër grekë nuk i beson asnjë partie, ndërsa 55,2% konsiderojnë si zhvillim pozitiv bashkëpunimin qeveritar ndërmjet Demokracisë së re, PASOK-ut dhe DIMAR.

Në një sondazh tjetër, që publikon gazeta Real News, Demokracia e Re ka avantazh me 23,5%, kundrejt 21,7% që ka SYRIZA dhe pasojnë: PASOK 10,1%, Grekët e Pavarur 6,3%, Agimi i Artë 6,1%, DIMAR 5,1%, Partia Komuniste 4,1%.



E Hene, 16 Korrik 2012