Debati në DW: Sa djathtas, po zhvendoset Europa në politikën e migracionit

Tribuna News Network 24 Dhjetor 2023

Një orë para se presidenti francez  të njoftonte mbështetjen e ashpër të ligjit të migracionit në televizion, Emmanuel Macron priti në pallatin Élysée kryetarin e opozitës së Gjermanisë, Friedrich Merz, i cili është anëtar i partisë kristiandemokrate. Macron dhe Merz biseduan gjatë takimit të tyre të parë për çështje të migracionit. Kjo temë është në fokus, jo vetëm për shkak të kompromisit për azilin në Bashkimin Europian, por edhe për shkak të ashpërsimit të politikës së migracionit të qeverisë franceze.

Të martën, partia qeverisëse votoi në Asamblenë Kombëtare, edhe me votat e partisë ekstreme të djathtë, Rassemblement National (RN), pas bisedimeve të vështira me opozitën për një ligj më të ashpër mbi migracionin. Kryetarja e RN, Marine Le Pen, e quajti këtë një "fitore ideologjike" dhe e përforcoi qëndrimin e tyre: "Deputetët e Macronit nuk mund të na akuzojnë më se ne kërkojmë të jenë prioritet francezët. Ata  tani e kanë vendosurvetë."

A e ndjek Gjermania modelin e Francës?

Kreu i opozitës nuk donte të komentonte ligjin e migracionit që presidenti e kaloi për shqyrtim në këshillin kushtetues, por në partinë e tij, Friedrich Merz angazhohet për një politikë më të rreptë ndaj migracionit. Presidiumi i partisë ka marrë një vendim përkatës. Në fakt, Franca tashmë po ashpëron aksesin e një kategorie të caktuar të të huajve ndaj ndihmave sociale duke vendosur edhe kritere më të ashpra për të arritur të drejtën për ndihma sociale, dhe Gjermania po ndjek një logjikë të ngjashme. Kur u pyet në Paris për qëndrimin e partisë së tij ndaj partisë së djathtë "Alternativa për Gjermaninë" (AfD), Merz përsëriti se e përjashton bashkëpunimin me këtë parti.

Në Francë, pas votimit parlamentar, debati ka nisur të ziejë se sa fort ekstremi i djathtë mund të përcaktojë politikën qeveritare. Paraardhësi i Macronit, François Hollande, ka kritikuar kompromisin në një intervistë për gazetën Le Monde, duke thënë: "Edhe nëse presidenti Macron dhe qeveria nuk fituan votat e Rassemblement National, fakti tregon se ata kanë marrë ide të kësaj partie." Presidenti Macron, nga ana tjetër, ka mbrojtur politikën e ndjekur nga qeveria në televizion, duke thënë: "Ligji nuk tradhton vlerat tona", dhe ai, që u rizgjodh në 2022, ka premtoyer të ndalojë rritjen e ekstremit të djathtë. Por për të penguar prishjen e pushtetit nga RN, "nevojitet që ne të zgjidhim problemet që iu krijojnë atyre fushë për të rritur".

 

Tendencat konservatore në migracion po shihen në shumë kryeqytete të Europës. Kryeministri britanik, Rishi Sunak, po përballet me presion në lidhje me këtë çështje, pasi edhe pse Brexit është realizuar, nivelin e emigracionit nuk e kanë ulur në vend.

Ndërsa shumë kryeqytete po punojnë ende në koncepte politike, shtetet nordike po ashpërojnë ligjet e tyre. Në Danimarkë, kryeministrja socialdemokrate Mette Frederiksen, që mori detyrën në vitin 2015, po ndjek një politikë të ashpra migracioni. Bashkimi i familjeve është bërë më i vështirë dhe azilkërkuesve po u ofrohen ndihma në formë malli, jo në para. Një rregullore, e quajtur "ligji i getos", parashikon që në një lagje të qytetit të mos lejohet të banojnë më shumë se 30% "të huaj jo-perëndimorë".

Ndaje me miqte