Çfarë është SWIFT-i dhe pse ka rëndësi?

ATSH 27 Shkurt 2022

LONDER, 27 shkurt /ATSH/ – Britania e Madhe ka rënë dakord me BE-në dhe SHBA-në për të hequr disa banka ruse nga sistemi bankar SWIFT, sipas theindependent.co.uk.

Kryeministri Johnson deklaroi se ky sistem është “tepër i rëndësishëm për të ushtruar presion ekonomik ndaj Rusisë”.

Çfarë është SWIFT-i?

SWIFT është akronimi për Shoqëria e Telekomunikimit Financiar Ndërbankar në mbarë botën. E krijuar në vitin 1973 dhe është një pjesë thelbësore e sistemit që lehtëson flukset e parave në mbarë botën.

Është një sistem i sigurt mesazhesh që lejon rreth 11 000 institucione financiare ”të bisedojnë” me njëri-tjetrin dhe të autorizojnë pagesat. Kur një pagesë dërgohet nga një bankë në tjetrën, ata marrin një mesazh përmes SWIFT-it përpara se të vazhdojnë me transaksionin.

Rreth 40 milionë transaksione kryhen duke përdorur SWIFT-in çdo ditë.

Ai operon si kompani e përbashkët nga 2 000 banka anëtare dhe është i vendosur në Belgjikë. Bankat qendrore duke përfshirë Bankën e Anglisë mbikëqyrin drejtimin e kompanisë.

SWIFT është një organizatë neutrale që nuk mund të lëshojë sanksione të veta. Një vendim për të bllokuar bankat ruse nga përdorimi i sistemit do të duhej të miratohej nga qeveritë.

A do ta dëmtojë Rusinë një ndalim nga SWIFT-i?

Boris Johnson parashtroi rastin se përjashtimi i Rusisë do ta bënte jetën e vështirë për  Putinin duke penguar Rusinë të dërgonte dhe të merrte pagesa.

Duke folur në programin ”Today” të BBC Radio 4, sekretari i Mbrojtjes Ben Wallace shpjegoi se “kur paguani Rusinë për gazin e saj, ajo ndoshta kalon përmes sistemit SWIFT”.

A ka mënyra rreth ndalimit të Swift?

Shefi i VTB, një bankë e madhe ruse, tha së fundmi se mund të përdorë kanale të tjera për pagesa, si telefona, aplikacione mesazhesh ose e-mail.

Kina ka sistemin e saj të njohur si CIPS, i cili shpreson se do të bëhet një alternativë e përdorur gjerësisht për SWIFT.

Marrëveshja për një masë të tillë ka ndodhur edhe më parë. Në vitin 2012, BE e ndaloi SWIFT-in t’u shërbente firmave dhe individëve iranianë të sanksionuar në lidhje me programin bërthamor të Teheranit.

Sekretari i Mbrojtjes, Wallace theksoi se “ashtu si shumë gjëra, këto janë organizata ndërkombëtare, dhe nëse jo çdo vend dëshiron që të përjashtohet nga sistemi SWIFT, atëherë gjithcka bëhet e vështirë”.

Ndaje me miqte