Ndryshime në qeveri: Blendi Gonxhja emërohet ministër i Ekonomisë, Kulturës dhe Inovacionit

Tribuna News 08 Janar 2024

Blendi Gonxhja emërohet ministër i Ekonomisë, Kulturës dhe Inovacionit në një strukturë të re qeveritare të krijuar me vendim të kryeministrit Edi Rama.

 

Kryeministri Edi Rama është shprehur se është e nevojshme të kalohet në një qasje të integruar qeveritare në lidhje me sektorët e Ekonomisë, Kulturës dhe Inovacionit. Sipas tij, këto sektorë duhet të dalin nga kufijtë tradicionalë të qeverisjes së vendit dhe të ndërveprojnë ngushtësisht me njëri-tjetrin, veçanërisht në një kohë kur teknologjia digjitale ka hyrë si një fuqi e re në të gjitha fushat e jetës. Kryeministri vlerëson se kultura nuk mund të mbetet më një ishull i izoluar nga zhvillimet ekonomike dhe sociale të vendit, dhe se sektori i ekonomisë kërkon një përmasë të re të qeverisjes.

 

Në përputhje me këto nevoja strategjike, kryeministri ka vendosur të ndryshojë strukturën e qeverisë dhe të krijojë një ministri të re të Ekonomisë, Kulturës dhe Inovacionit. Kjo ministri do të bashkojë pjesët që aktualisht funksionojnë të ndara në ministritë e Financave dhe Ekonomisë, si dhe ministritë e Kulturës.

Ndaje me miqte