2 vrasje në 24 orë/ Krimi në familje godet edhe Durrësin, burri vret gruan me thikë në byrektore

DOSJA AL 26 Shkurt 2020

DURRES- Një ngjarje e rëndë ka ndodhur disa minuta më parë në qytetin e Durrësit, ku mësohet se një burrë ka qëlluar bashkëshorten me thikë brenda një byrektoreje. Ngjarja ka ndodhur pranë Pallatit të Sportit të qytetit. Burime nga vendngjarja shtojnë se para debatit, çifti ishte konfliktuar rëndë.

Gjithashtu mësohet se ata janë burrë e grua, pronarë të byrektores ku ndodhi vrasja. Ende nuk dihen rrethanat dhe identiteti i çiftit. Kjo është vrasja e dytë brenda 24 orëve që ndodh në familjet shqiptare.

Mbrëmjen e djeshme, Fatmir Kolecaj vrau me armë zjarri ish-gruan dhe të vëllain e saj në Mirditë. Fatmir Kolecaj vrau ish-bashkëshorten, Esmeralda Filopati 36 vjeçe, nënë e tre fëmijëve dhe vëllanë e saj Vledison Filopati 34 vjeç. Esmeralda dhe Fatmiri ishin divorcuar 3 vite më parë.

Esmeralda Filopati punonte shitëse tek një market në qytetin e Rrëshenit, ndërsambrëmë i vëllai kishte shkuar ta merrte tek puna, por teksa po ktheshin në shtëpi në oborr janë qëlluar për vdekje.

Për më shumë bëhu pjesë e grupit më viral në Facebook, Dosja.al

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.