20 familje -mbeten -pa shtëpi pas zjarrit: Do të akomodohen në ambiente me qira

Tribuna News Network 26 Dhjetor 2023

Personat që u dërguan në spital pas zjarrit në qendrën tregtare në Lushnjë kanë dalë nga spitali, sipas deklaratave të kryebashkiakes së Lushnjës, Eriselda Sefa. Në orën 01:00 të natës së kaluar, të gjithë personat që kishin marrë ndihmë mjekësore u larguan nga spitali i Lushnjës pasi ishin në gjendje të mirë shëndetësore.

Kryebashkiakja gjithashtu bëri të ditur se stafi i bashkisë po kontaktonte 20 familjet që jetonin në pallatin 12-katësh, i cili ishte përfshirë në zjarr për gati 9 orë. Nëse ishte e nevojshme, bashkia do të ofronte akomodim në apartamente me qira për këto familje deri në rikonstruktimin e objektit.

Sefa shtoi se bashkia kishte pregatitur një konvikt si opsion të parë për akomodimin e familjeve, por po planifikonte të siguronte edhe apartamente me qira. Bashkia dispononte rreth 91 apartamente, nga të cilat 20 ishin banuara aktualisht, ndërsa të tjerat ishin të disponueshme për emigrantë. Pas përfundimit të ekspertizës, bashkia do të ofronte kompensim sipas ligjit për dëmet e shkaktuara nga zjarri.

Ndaje me miqte