Athinë grevë 24 orëshe të enjten. Si do të funksionojë transporti publik

TRIBUNA 06 Dhjetor 2016

Të enjten, më 8 dhjetor, Athina dhe gjithë Greqia do të paralizohet nga greva e përgjithshme 24 orëshe që ka shpallur Konfederata e Përgjithshme Sindikale Greke (GSEE). Në grevë do të marrin pjesë edhe punonjësit e sektorit të transportit publik, gjë që do të shkaktojë probleme në lëvizjen e qytetarëve. Gjithsesi, ndërprerjet e punës do të jenë të përkohshme. Kështu: Autobusat dhe trolejt do të funksionojnë nga ora 09,00 deri 21,00. Në të kundërt, metroja dhe treni elektrik do të funksionojnë vetëm në harkun kohor nga ora 10,00 deri 16,00. �ka do të thotë se nuk do të ketë asnjë linjë nga fillimi i punës deri në orën 10,00 dhe nga ora 16,00 deri të premten në mëngjes. Në Selanik, autobusat urbanë nuk do të funksionojnë gjatë gjithë 24-orëshit. Vetëm linja 78N do të funksionojë normalisht, ashtu si dhe autobusat e modifikuar për personat me aftësi të kufizuar.

Ndaje me miqte