Ekonomia në Eurozonë u rrit me 0.5%
Tribuna
17 Maj 2017
Prodhimi i Brendshëm Bruto në Eurozonë dhe në Bashkimin Europian është zgjeruar me 0.5% në tremujorin e parë të këtij viti, tregojnë të dhënat e sapo publikuara nga zyra e statistikave të Bashkimit Europian.
Sipas Eurostat, ekonomia europiane vijon të jetë në vrull.
Pothuajse të gjitha vendet e rajonit raportojnë shifra pozitive rritje. Ekonomia më e madhe e rajonit, Gjermania, u rrit me 0.6%, ndërkohë që Franca u rrit me 0.3%. Ndersa Italia, raporton një normë rritje të ekonomisë prej vetëm 0.2%.
Performancë mjaft pozitive vazhdon të regjistrojë edhe Spanja, që është edhe ekonomia e katërt më e madhe e rajonit, në rritje me 0.8% gjatë tre muajve të parë të këtij viti.
Ndaje me miqte