Federata e Shoqatave letër kryeministrit Rama: 10 pyetje që kërkojnë përgjigje

25 Gusht 2015

Federata e Shoqatave Shqiptare në Greqi i ka drejtuar një letër kryeministrit Edi Rama, ku i rreshton problematikën më kryesore të emigracionit shqiptar, referuar edhe ligjeve përkatëse të miratuara nga shteti ynë. Ndër problemet kryesore përmendim: - Tarifat e larta në shërbimin konsullor, përfshirë rritjen e çmimit për ndërrimin e pasaportave që kishin problem me toponimet, një problem i cili ishte tërësisht përgjegjësi e organeve shtetërore dhe kontraktuesve privatë, - Interesimi për emigrantët e riatdhesuar dhe asistenca e shtetit ndaj tyre, - Negociatat me Greqinë mbi një marrëveshje për pensionet e emigrantëve. Letra, që iu dërgua zotit Rama në kuadër të bashkëbisedimit të tij me qytetarët, ditën e hënë, më 23 gusht, ka si më poshtë: I nderuar z. Kryeminstër i Republikës së Shqipërisë, z. Edi Rama! Në emër të Komunitetit Shqiptar në Greqi, si kryetar i Federatës Ju drejtoj këto pyetje mbështetur në ligjet nr. 9668, datë 18-12-2006 dhe me disa ndryshime dhe shtesa sipas ligjit 10389, datë 03-02-2011,shpallur në Fletoren Zyrtare me dekretim nr. 6931, datë 18-03-2011 të Presidentit të Republikës së Shqipërisë z. Bamir Topi, të cilat presin përgjigje dhe zgjidhje: 1. Keni në plan hartimin e një strategjie kombëtare migrative dhe a do të përfshihet Komuniteti Shqiptar në Greqi si pjesë e domosdoshme e saj? 2. Sipas deklaratave tuaja në media shqiptare që korrespondon me një nga kërkesat më të kahershme të emigrantëve, kur do të mundësohet ushtirmi i të drejtës së votës dhe të zgjedhjes në vendin ku jetojnë emigrantët? 3. Pse qeveria juaj rriti me 30% shërbimet konsullore përfshirë këtu çështjen serioze të “Toponimeve”? A parashikon qeveria juaj ulje të kostove të shërbimeve konsullore? 4. �farë do të bëjë qeveria juaj për mungesën totale të informacionit të nevojshëm dhe ndihmës sociale për emigrantët shqiptarë të riatdhesuar për ri-integrimin e tyre në shoqërinë dhe në tregun e punës në Shqipëri? 5. Cili është plani juaj për thithjen e “trurit”, studentët e diplomuar jashtë vendit? 6. �farë keni në plan për marrëveshja bilaterale me Greqinë për pensionet e emigranteve? 7. �farë do të bëhet për zhvillimin e organizuar të mësimit plotësues të gjuhës shqipe në Greqi? Asimili është një “gangrenë” e pamëshirshme! 8. �farë keni parashkuar Ju z. kryeministër për mbështetje konkretet të shoqatave të emigrantëve shqiptarë në Greqi (Federatës) dhe sigurimin e informacionit, bazën materiale nëpërmjet shoqatave dhe grupimeve të emigrantëve shqiptarë për nevojat që ato kanë për hapjen e shkollave, Qendrën Kulturore Shqiptare në Athinë etj.? 9. Sipas ligjit nr.9668, datë 18-12-2006 neni 35, paragrafi 2 citohet: “Burimet e këtij fondi janë buxheti i Shtetit, 1% të të ardhurave nga shërbimet që u ofrohen emigrantëve brenda dhe jashtë vendit dhe donacione të ndryshme”. 10. Lënia mënjanë e përfaqësuesve të komunitetit shqiptar në Greqi nga përfaqësitë diplomatike shqiptare që kanë vizituar zyrtarisht Greqinë. Shprehim keqardhje dhe kërkojmë përfshirjen tonë në axhentën e trupave diplomatike gjatë vizitave të tyre në Greqi, që kanë si objektiv zgjidhjen e problemeve të komunitetit shqiptar. Sot Federata është faktori kryesor i komunitetit shqiptar në Greqi, disponon gjithë infrastukturën e nevojshme dhe ofron shërbime të specializuara. Federata për sa më sipër përmendëm, po u ofron ndihmë bashkëatdhetarëve duke marë “padrejtësisht” përgjegjësi të cilat janë në juridiksionin dhe detyrimin e Ambasadës së Republikës së Shqipërisë në Greqi, e detyruar nga nevoja emergjente e problemeve të bashkëatdhetarëve. Duke ju falenderuar për mirëkuptimin, Etmond Guri, kryetar i Federatës së Shoqatave Shqiptare në Greqi

Ndaje me miqte