Ndërron jetë ishpresidenti grek Kostis Stefanopulos

TRIBUNA 22 Nentor 2016

Ish - presidenti i Republikës greke në vitet 1995-2005, Kostis Stefanopulos vdiq në moshën 90-vjeçare pas një problemi respirator, në një spital të Athinës. I lindur në Patras në Peloponez, më 15 gusht 1926, Kostis (Konstantin) Stefanopulos ishte me profesion avokat. I zgjedhur deputet për herë të parë në vitin 1958 nën ngjyrat e partisë së djathtë ERE, ai u rizgjodh pas rrëzimit të dikaturës së kolonelëve në vitin 1974 me partinë Demokracia e Re (ND). Që prej asaj kohe ai ka mbajtur portofole të ndryshme ministrore nën qeverisjen e djathtë në pushtet nga viti 1974 deri në vitin 1981 para se të përpiqej të merrte drejtimin e ND-së në vitin 1981 dhe 1985. Ai u largua nga partia për të formuar partinë e tij Rilindja Demokratike (DIANA), të cilën e drejtoi për një dekadë, para se të largohej në vitin 1994. Një vit më pas, me mbështetjen e deputetëve të partisë socialiste Pasok, në pushtet në atë kohë, ai u zgjodh president i Republikës nga Parlamenti duke pasur gjithashtu Konstantin Karamanlis, ish-drejtues i ND-së. Ai u rizgjodh në vitin 2000, para se të tërhiqej nga jeta politike në fund të mandatit të dytë në vitin 2005. Kopstis Stefanopulos ishte presidenti i parë grek që vizitoi Shqipërinë, në mars 1996, ku gjatë kësaj vizite u nënshkrua edhe Traktati i Miqësisë midis të dy vendeve.

Ndaje me miqte