Nisin hetimet pas kërcënimit për helmimin e produkteve në supermarkete

TRIBUNA 21 Dhjetor 2016

Njësia antiterror ka filluar hetimet, pas një publikimi në internet se produkte të njohura ushqimore do të helmohen, para se të vendosen në supermerkatat. Lajmi për fillimin e hetimeve është njoftuar zyrtarisht nga ministria greke e rendit, që shton se janë vënë në dijeni edhe kompanitë që përmendeshin në atë publikim. Publikimi në internet shoqërohej nga fotografi me produkte ushqimore, gjatë procesit që po u injektonin klorin dhe acid klorhidrik. Autorët theksonin se produktet e helmuara do të vendoseshin në raftete e supermerkatave brenda dy javësh. Në të njëjtën kohë, kompanitë Coca Cola, Nestle dhe Unilever, njoftuan se kanë tërhequr nga gjithë pikat e shitjes në Atikë, një numër produktesh. Ato janë: Hellmann’s Caesar Salad Dressing (shishe plastike 235 ml) Pumaro (salca, në ambalazhim kartoni 500 dhe 520 gr) Nestea Ice Tea Pjeshkë (500 ml shishe plastike, 4 x 500 shishe plastike) Nestea Ice Tea Limon (500 ml shishe plastike, 4 x 500 shishe plastike) Coca-Cola Light (500 ml shishe plastike, 4 x 500 shishe plastike).

Ndaje me miqte