Prezantohet Qeveria &ldquoRama 2&rdquo: 11 ministri dhe një ministër shteti për diasporën

27 Gusht 2017

Kryeministri Edi Rama deklaroi të dielën, në punimet e Asamblesë Kombëtare të Partisë Socialiste, se “qeveria e re do të jetë më e vogël me 11 ministri dhe 2 ministra shteti”. Struktura e qeverisë dhe mënyra e funksionimit të saj, sipas Ramës, do të ndryshojë. “Do të ketë një qeveri të vogël dhe më bashkëvepruese me partinë dhe grupin parlamentar. Anëtarët e qeverisë, partisë dhe grupit parlamentar do të punojnë me një kalendar të përbashkët”, tha Rama, duke shtuar se 50 % e kabinetit të ri qeveritar do të jenë burra dhe 50 % gra. Po ashtu, Rama tha se kryetar i Kuvendit do të jetë Gramoz Ruçi, ndërsa kryetar të grupit parlamentar të PS-së, Taulant Balla. “Eshtë krenari t’i japim kryetarit të kësaj Asambleje, Gramoz Ruçit, të gjithë mbështetjen tonë në zgjedhjen e përmbushjen me sukses të detyrës. Me zgjedhjen e tij në krye të Kuvendit ne do të bëjmë investimin më të sigurt politik që jeta parlamentare e këtij vendi do të futet në binarët prej nga rrëshqiti në katër vitet e shkuara dhe që në Kuvend të kthehet respekti për ata që na kanë zgjedhur”, u shpreh Rama. Qeveria “Rama 2” Kryeministër - Edi Rama Zëvendëskryeministër - Senida Mesi, deputete e qarkut Shkodër Ministër Shteti për Diasporën - Pandeli Majko Ministre e Shtetit për Sipërmarrësit - Sonila Qato Ministër i Jashtëm - Ditmir Bushati Ministër i Brendshëm - Fatmir Xhafaj Ministre e Mbrojtjes -Olta Xhaçka Ministër i Drejtësisë - Etilda Gjonaj Ministria e Financave, Ekonomisë dhe Punës - Arben Ahmetaj Ministria e Shëndetësisë dhe Kujdesit Social - Ogerta Manastirliu Ministria e Energjisë dhe e Infrastrukturës - Damian Gjiknuri Ministria e Bujqësisë dhe Zhvillimit Rural - Niko Peleshi Ministër i Turizmit dhe Mjedisit - Blendi Klosi Ministër i Kulturës - Mirela Kumbaro.

Ndaje me miqte