Të gjithë të çmendur për Arlind Ajetin
28 Qershor 2016
Dy skuadra të tjera kanë hyrë në garë për të marrë shërbimet e mbrojtësit të kombëtares shqiptare, Arlind Ajeti.
Torino në Serinë A dhe Verder Bremen në kampionatin gjerman interesohen për 22-vjeçarin.
Eliminimi nga faza e grupeve i la të zhgënjyer futbollistët e kombëtares kuqezi.
Gjithsesi, disa prej tyre ndoshta e kanë fituar Europianin në aspektin personal.
Mbi të gjithë, Arlind Ajeti.
Mbrojtësi bëri një paraqitje të shkëlqyer në ndeshjet kundër Francës dhe Rumanisë, madje arriti të shpallet edhe “Lojtari më I Mirë” i njërës prej tyre.
Por jo vetëm kaq.
Megjithëse 22 vjeç, Ajeti përballoi me sukses edhe presionin se duhet të zëvendeësonte kapitenin Lorik Cana, madje në sfidën kundër Rumanisë, ai i mori edhe vendin e titullarit.
Të gjitha këto e kanë vendosur qendërmbrojtësin shqiptar në qendër të merkatos europiane.
Pa kontratë pas zbritjes së Frosinones në Serinë B, kampionati Italian me shumë mundësi mbetet pista e preferuar e futbollistit.
Dhe pas Peskarës, Bolonjës dhe Lacios, në garë për të marrë shërbimet e tij është futur edhe Torino.
Ajeti ende nuk e ka vendosur ku do të luajë, por gjatë muajit të ardhshëm kam luksin e zgjedhjes.
Kjo për faktin se mbrojtësi kërkohet edhe në kampionate të tjerë të Europës.
Se fundmi edhe Verder Bremen synon të transferojë futbollistin shqiptar, ndërsa në ditët e shkuara ishin gjigandët e futbollit turk si Beshiktash dhe Fenerbahçe që u paraqitën me oferta konkrete për Arlind Ajetin.
(ABC NEWS)
Ndaje me miqte