TsiprasMetës: E rëndësishme për marrëdhëniet zgjedhja juaj në postin e presidentit

Tribuna 30 Prill 2017

Kryeministri grek, Aleksis Tsipras i ka telefonuar Ilir Metës, që ta urojë për zgjedhjen e tij në postin e presidentit të Republikës së Shqipërisë. Sipas njoftimit të zyrës së shtypit të kryeministrit grek, Tsipras i ke telefonuar Metës nga Brukseli, ku ndodhet për samitin e BE-së për Brexit-in. “Zoti Tsipras e përgëzoi zotin Meta dhe i theksoi rëndësinë që ka kjo zgjedhje për garantimin e stabilitetit të Shqipërisë dhe forcimin e marrëdhënieve greko-shqiptare, mbi bazën e respektit reciprok”, njofton zyra e shtypit e kryeministrit grek. Më herët, zotit Meta i kishte telefonuar për ta uruar edhe ministri i jashtëm grek, Nikos Kotzias.

Ndaje me miqte