Vihet në funksionim segmenti Amfilohia Arta
Tribuna
27 Korrik 2017
Një tjetër lehtësi për qytetarët që udhëtojnë në aksin rrugor nga Athina drejt Kakavijës: Të mërkurën është dhënë në qarkullim segmenti i Ionia Odos (Autostrada Joniane), nga Amfilohia deri në hyrje të Artës.
Eshtë një vepër me gjatësi 27 kilometra, pjesë e autostradës joniane me gjatësi 182 km.
Me vënien në funksionim të këtij segmenti, anashkalohet rruga plot kthesa e Menidhit dhe distanca nga mbikalimi i Amfilohias deri në Arta përgjysmohet dhe do të bëhet për jo më shumë se 20 minuta.
Sipas ministrit të Infrastrukturës dhe Transportit, Hristos Strintzis, ditët e ardhshme do të përfundojë edhe lidhja e autostradës Joniane me atë Egnatia.
Inaugurimi i përfundimit të plotë të autostradës Joniane do të kryhet në fillim të shtatorit nga kryeministri Aleksis Tsipras.
Ndaje me miqte