AEK-u, kampion edhe zyrtarisht

Tribuna TV 23 Prill 2018

Dy javë para përfundimit të kampionatit, AEK i Athinës ka fituar titullin kampion në Superligën greke për sezonin 2017-2018. Ky është titulli i 12-të në historinë e klubit dhe i pari pas vitit 1994. AEK-u fitoi të dielën në mbrëmje ndaj Levadiakos 2-0 para 60.000 tifozëve që ndodheshin në shkallët e stadiumit Olimpik.

Pavarësisht festës, teorikisht “verdhezinjtë” duhej të prisnin vendimin për apelimin që kishte bërë PAOK-u për derbin e Selanikut që u ndërpre, pas futjes në fushë “me kobure në brez”, të Ivan Savidhisit.

Të hënën në mesditë, vendimi doli. Gjykata sportive rrëzoi apelimin e selanikasve.

Kështu, ndeshjen përfundimisht e fiton në tavolinë AEK-u, 3-0, ndërsa PAOK-ut i hiqen 3 pikë dhe do ta fillojë sezonin 2018-2019 me minus dy pikë.

Pa u ndryshuar mbeten edhe dënimet për bosin e PAOK-ut Ivan Savidhis (3 vjet nuk i lejohet hyrja në ambientet sportive) dhe ndalimi për 90 ditë i drejtorit teknik të bardhezinjve, Liubus Michel.

60 mijë tifozët që festonin të dielën në mbrëmje në OAKA kërkonin që ekipi i tyre t’i dyfishojë titujt për këtë sezon. Bëhet fjalë për finalen e Kupës së Greqisë, që do të luhet më 12 maj, ndërmjet AEK-ut dhe PAOK-ut.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.