Anija "Butrinti" shpëton tre gomone me 37 emigrantë të paligjshëm në ujërat greke

Tribuna News Network 15 Gusht 2023

3 gomone me 37 emigrantë të paligjshëm janë shpëtuar nga rreziku, në tentativë për të kaluar në ujërat greke nga anija "Butrinti".

Ministria e Mbrojtjes ka njoftuar se gjatë natës së kaluar, anija "Butrinti", e cila është pjesë e misionit "Sea Guardian" në detin Egje, ka kryer me sukses tre operacione shpëtimi në det.

Me fat, të gjithë personat gëzojnë shëndet të mirë.

"Kalimi i paligjshëm në detin Egje paraqet një sfidë të madhe, jo vetëm për Aleancën e NATO-s, por edhe për vendet tranzit që duhet të përballojnë një fluks të vazhdueshëm të emigrantëve të paligjshëm.

Ne besojmë plotësisht se vetëm përmes bashkëpunimit mund të adresojmë këtë sfidë dhe të garantohet jeta dhe siguria e të gjithë atyre që ndodhen në këto situata" - njofton Ministria e Mbrojtjes.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.