Argjentina gjysmëfinalistja e dytë pas fitores kundër Holandës

ATSH 09 Dhjetor 2022

DOHA, 9 dhjetor /ATSH-AFP/ – Argjentina e bë gjysmëfinalistja e dytë pas fitores kundër Holandës me penallti.

Pjesa e parë e ndeshjes u mbyll me fitoren e argjentinasve, të cilët shënuan pas një sulmi të shpejtë me anë të Molinas (35′). Vlen për t’u përmendur se holandezët nuk gjuajtën asnjëherë në portën argjentinase gjatë kësaj pjese.

Në pjesën e dytë argjentinasit thelluan avantazhin me anë të një penalltie nga ana e Messit (73′).

Kur gjithçka dukej e mbyllur, holandezët, gjithmonë me një disiplinë taktike për t’u admiruar, shënuan dy herë me anë të Weghorst (83′) dhe (90’+11′), i cili zëvendësoi Depay.

Shtesa prej 30 minutash nuk solli asgjë të re.

Gjuajtjet e penalltive nxorën fituese Argjentinën (4-3).

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.