Benzema: Kërkon t’ia kalojë dy herë Lewandowskit

TV TRIBUNA 25 Prill 2022

Sulmuesi francez i Real Madridit, Karim Benzema shkon në ndeshjen e të martës kundër Manchester United-it (gjysmëfinalja e parë e Champions League), me perspektivën që ta lejë ... dy herë mbrapa Robert Lewandowskin:

Fillimisht duke e larguar nga kreu i golashënuesve të sezonit aktual të kompeticionit më madhor të futbollit të klubeve në planet.

Benzema, me 12 gola këtë sezon të UCL, ka vetëm një gol më pak nga Lewandowski, por që nuk mund të vazhdojë, pasi Bayerni u skualifikua.

Benzame i ka të gjitha shanset që të dalë golshënuesi më i mirë i sezonit, pasi jashtë loje ka dalë edhe i treti në listë, Haller (11 gola) i Ajax-it, që gjithashtu mbeti në “16”-she...

Mohamed Salah, që është i katërti në listë dhe vazhdon me turneun e gjysmëfinaleve (të martën Liverpool-i ndeshet me Villarealin), ka të paktën teorikisht shanset që të konkurrojë Benzema-në.

Sulmuesi francez ka mundësi ta kalojë Lewandowskin edhe në renditjen historike të golshënuesve më të mirë të Champions League (duke filluar nga sezoni 1992-1993).

Polaku i Bayernit ka shënuar 86 gola, ndërsa Benzema 83.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.