Betohet qeveria greke, fillon punë menjëherë

TV TRIBUNA 09 Korrik 2019

Menjëherë pas betimit, ministrat e rinj të qeverisë greke kanë shkuar për të marrë në dorëzim postet e tyre.

Vullneti i kryeministrit Mitsotakis është që qeveria të vihet shpejt në lëvizje dhe me eficencë maksimale, për të përcjellë mesazhin se vendi ndodhet në një fazë normaliteti.

Mbledhjen e parë në selinë kryeministrore Mitsotakis e ka bërë me drejtuesit e ministrisë së financave.

Ministrit të ri, Christos Staikouras, 45 vjeç, pedagog universitetit, i duhet të ruajë ekuilibrin ndërmjet situatës financiare të vendit dhe premtimeve elektorale të kryeministrit Mitsotakis.

Në ministrinë e jashtme është emëruar Nikos Dendias, një nga figurat më të spikatura të partisë, që ka shërbyer si ministër i drejtësisë, i rendit publik dhe i mbrojtjes në qeveritë e mëparshme të demokracisë së Re.

Dendias e merr detyrën në një periudhë mjaft të vështirë për marrëdhëniet greko-turke.

Kabineti qeveritar përbëhet nga 17 ministri dhe ka 51 anëtarë, ministra e zëvendësministra dhe sekretarë shteti.

21 pjesëtarë të qeverisë merren për herë të parë me politikë, ndërsa dy prej tyre vijnë nga radhët e PASOK-ut.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.