Biden: Putin të largohet nga pushteti

ATSH 27 Mars 2022

Udhëheqësi rus, Vladimir Putin nuk duhet të qëndrojë më në detyrë, tha presidenti amerikan Joe Biden në Varshavë, në mbyllje të vizitës së tij në Poloni.

“Për hir të Zotit, ky njeri nuk mund të qëndrojë më në pushtet”, tha Biden në Varshavë të shtunën, pa përmendur emrin e presidentit rus.

Megjithatë, Biden e përmendi Putinin me emër disa herë gjatë fjalimit të tij, ndërsa herë të tjera ai thjesht e quajti atë si një “diktator”.

”Putin bëri një gabim strategjik në sulmin ndaj Ukrainës”, tha Biden.

“Ukraina nuk do të jetë kurrë një fitore për Rusinë”, tha ai.

”Njerëzit nuk duan të jetojnë në një botë të pashpresë dhe në errësirë”, theksoi Biden.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.