Bisedë telefonike Tsipras - Rama

TV Tribuna 04 Prill 2019

Kryeministrat e Greqisë dhe të Shqipërisë kanë zhvilluar të enjten një bisedë telefonike.

Lajmi është bërë i ditur nga agjencia zyrtare ANA-MPA.

Sipas agjencisë, Tsipras e Rama kanë diskutuar mbi reformat e nevojshme që duhet të realizojë Shqipëria për hapjen e negociatave të anëtarësimit.

Agjencia njofton se kryeministri grek është fokusuar në çështjen e pronave të minoritarëve në bregdetin e Jonit, si dhe në aktet normative të ligjit për minoritetet.

Ata gjithashtu kanë diskutuar edhe për zhvillimet ekonomike dhe politike në rajon, njofton agjencia.

Komunikimi telefonik vjen vetëm pak ditë pasi Aleksis Tsipras paralajmëroi se Greqia mund të verë veto për hapjen e negociatave të anëtarësimit të Shqipërisë.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.