Chios, i bie në kokë tabela e basketbollit, vdes 19 vjeçari

TV TRIBUNA 05 Gusht 2019

Një tabelë basketbolli në një terren sportiv në ishullin Chios i ka marrë jetën një djaloshi 19 vjeçar. Ngjarja ka ndodhur në orët e vona të së dielës në vendin e quajtur Daskalopetra.

19 vjeçari nga Marusi i Athinës kishte shkuar për pushime në ishull. Aksidenti ndodhi pak para mesnatës, kur ai po luante me disa miq të tij. Shtylla u shkëput nga terreni dhe tabela e goditi në kokë djaloshin.

Me gjithë përpjekjet e mjekëve në spitalin e Chios, ai nuk mundi të mbahej në jetë, për shkak të dëmtimeve të rënda në kafkë.

Autoritetet policore i komunikuan masën e arrestit kryetarit të bashkisë së Chios, Manolis Vournous, që u paraqit vullnetarisht në rajon.

Sipas agjencisë së lajmeve ANA-MPA, nga hetimet e para ka rezultuar se shtylla me tabelën e basketbollit ishte vendosur para rreth 20 vjetësh dhe mbahej nga vetëm një shtresë e hollë çimentoje, pa u vidhosur ashtu siç përcaktohet nga standardet teknike.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.