Covid-19, në cilat zona ndalohet qarkullimi natën

TV TRIBUNA 23 Tetor 2020

Nga e shtuna në mjaft zona të Greqisë do të vihet në zbatim masa e ndalimit të qarkullimit në orët e natës.

Masa u komunikua të enjten nga kryeministri Mitsotakis gjatë një mesazhi televiziv.

Së pari, në zonat me rritje të rrezikshme të rasteve, ato të niveleve 3 dhe 4, do të ndalohet qarkullimi nga ora 24,30 e mesnatës deri në orën 05,00 të mëngjesit.

Përjashtohen sigurisht, ata që punojnë natën dhe rastet e emergjencës.

Masa e dytë ka të bëjë me përdorimin e detyrueshëm të maskës mbrojtëse, jo vetëm në ambientet e mbyllura, por edhe ato të hapura.

Zëvendësministri i mbrojtjes civile, Nikos Hardalias, sqaroi më vonë se lëvizja gjatë orëve të ndalimit do të lejohet vetëm nëse qytetarët kanë me vete vërtetim nga punëdhënësi dhe nga sistemi “Ergani”.

“Askush tjetër nuk do të qarkullojë nga ora 24,30 deri në 05,00”, nënvizoi Hardalias.

Sipas tij, ndalimi i qarkullimit në orët e natës do të zbatohet aktualisht në këto zona:

1)Zona të Kuqe (niveli 4):

Kozani

Kostur

2)Zona portokalli (niveli 3)

Atikë

Selanik

Iraklio

Lesvos

Samos

Ahaia

Zakinthos

Janinë

Karditsa

Trikala

Pela

Serres

Larisa

Viotia

Si dhe në ishujt e Cikladeve

Ndaje me miqte