Denuklearizimi dhe paqja në qendër të takimit historik ndërkorean

ATSH 27 Prill 2018

SEUL, 27 prill /ATSH-AFP/ – Drejtuesi koreano-verior, Kim Jong Un dhe presidenti koreano-jugor, Moon Jae-in u ulën sot përballë një tryeze ovale për të filluar samitin historik, sipas imazheve të publikuara nga televizioni.

Takimi, që po mbahet në ”Shtëpinë e Paqes”, nga krahu jugor i zonës së çmilitarizuar, që ndan gadishullin, është i treti i këtij lloji që prej fundit të luftës së Koreve në vitin 1953.

“Lideri korano-verior, Kim Jong Un dhe presidenti koreano-jugor, Moon Jae-in diskutuan sot për denuklearizimin dhe paqen në gadishull gjatë samitit të tyre”, njoftoi zëdhënësi i presidencës koreano-jugore, Yoon Young-chan.

“Dy drejtuesit zhvilluan një dialog të sinqertë dhe të drejtpërdrejtë për çështjen e denuklearizimit dhe vendosjes së paqes së përhershme në Gadishullin Korean dhe për zhvillimin e marrëdhënieve ndërkoreane”, theksoi ai duke shtuar se bashkëshortet e dy krerëve do të marrin pjesë në banketin e organizuar në përfundim të samitit.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.