Digjet autobusi i linjës Athinë-Tiranë

TV Tribuna 14 Qershor 2019

Një autobus i linjës Athinë Tiranë është përfshirë nga flakët, në orët e para të mëngjesit të së premtes.

Ngjarja ndodhi para agjencisë ku ishte parkuar autobusi, në zonën Metaksurgjio.

Në vendngjarje shkuan 6 zjarrfikës me dy mjete që arritën ta vinin zjarrin nën kontroll pas rreth një ore.

Zjarri nisi në pjesën e mbrapme dhe u shtri në brendësi, duke e shkatërruar krejt autobusin.

Mjeti i përket firmës Komata Tours që kryen transport pasagjerësh drejt Shqipërisë dhe vendeve të tjera të rajonit.

Nga provat e para policia dyshon se behet fjalë për zjarrvënie të qëllimshme.

Punonjës të firmës me të cilët kontaktoi TV Klan thanë se nuk dinë që pronari të ketë pasur ndonjë konflikt.

Ndaje me miqte