Dombrovskis: Greqia po u rikthehet tregjeve dhe rritjes ekonomike

Tribuna TV 28 Janar 2019

Greqia i është rikthyer rritjes, deklaroi zëvendëspresidenti i Komisionit Europian, Valdis Dombrovskis.

Ai theksoi se “Greqia, gjatë tre programeve ndihmëse të njëpasnjëshme, ka zbatuar një axhendë madhore reformash duke realizuar reforma që forcojnë konkurrueshmërinë dhe themelet e ekonomisë greke, që tani po rritet”.

Dombrovskis që është gjithashtu komisioneri europian i ngarkuar me Euron, Stabilitetin Financiar, Shërbimet Fiskale dhe Unionin e Tregjeve të Kapitalit, deklaroi se “gjërat po shkojnë mirë në aspektin fiskal, ku Greqia ka arritur objektivat e saj të vitit 2008 dhe pritet të bëjë të njëjtën për këtë vit”.

Ai tha gjithashtu se ”tendenca është e qartë se Greqia po i rikthehet tregjeve, por paralajmëroi se kthimi i saj pasi kishte qenë e përjashtuar nga tregjet për nëntë vite është një detyrë shumë delikate që nuk lë shumë hapësira as për manovra as për gabime”.

Ndaje me miqte