Edi Rama, në Athinë për ekspozitën e vet

TV Tribuna 20 Mars 2023

Kryeministri Edi Rama do të qëndrojë të hënën dhe të martën në Athinë, fillimisht për një veprimtari të veçantë dhe një ditë më vonë si i ftuar i Këshillit drejtues të Forumit Ekonomik të Delfit.

Në njoftimin e ministrisë së jashtme greke për ekspozitën, thuhet:

“Të hënën, 20 mars 2023 do të inuagurohet ekspozita e kryeministrit të Shqipërisë, Edi Rama me titull “Improvisiations” (Improvizime) në pallatin Zappeion.

Ekspozita, që organizohet nga ministria e jashtme, paraqet punë me teknikë mikste dhe skulptura të kryeministrit shqiptar.

Ekspozita përbëhet nga 15 punë të reja që u krijuan në 2023 posaçërisht për këtë ekspozitë, 33 vepra të tjera si dhe një përzgjedhje punimesh në qeramikë nga viti 2015 deri më sot.

Ekspozita do të jetë e hapur për publikun nga e marta 21 mars deri të premten 31 mars 2023”.

Ende nuk është publikuar një program i detajuar mbi qëndrimin e zotit Rama në Athinë, por konsiderohet e sigurt se do të ketë të paktën një takim me homologun e vet grek, Kyriakos Mitsotakis.

Ndaje me miqte