Erdogan: Të paktën 912 të vdekur si pasojë e tërmetit

TV TRIBUNA 06 Shkurt 2023

Të paktën 912 persona kanë vdekur në Turqi si pasojë e tërmetit në rajonin kufitar turko-sirian, tha sot presidenti Recep Tayyip Erdogan duke e çuar numrin e përgjithshëm në të dy vendet në mbi 1 200.
Lëkundjet e tërmetit me magnitudë 7,8 ballë Rihter goditën Turqinë Juglindore dhe Sirinë Verilindore sot në mëngjes.
Raportet vijnë ende për viktima nga zonat e kontrolluara nga qeveria dhe rebelët në Siri.
Shumë vende kanë ofruar ndihmë ndërsa numri i të vdekurve rritet dhe shkalla e dëmit po bëhet më e qartë.
”Mëngjesin e sotëm na ka tronditur katastrofa më e madhe që nga tërmeti i vitit 1939 në Erzincan. Institucionet shtetërore me të gjitha shërbimet janë mobilizuar në rajonin e prekur nga tërmeti. Nga tërmeti kanë humbur jetën 912 persona ndërsa 5 385 janë plagosur”, deklaroi ai.
”Deri më tani nga rrënojat janë shpëtuar 2 470 persona, ndërsa numri i ndërtesave të rrënuara ka shkuar në 2 818. NATO, BE dhe 45 vende kanë ofruar ndihmë për Turqinë”, theksoi ai.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.