Festimi i Kurban Bajramit në Shqipëri

Tribuna TV 22 Gusht 2018

Mijëra besimtarë muslimanë kanë festuar në Shqipëri Kurban Bajramin. Ata u mblodhën herët mëngjesin e të martës pranë objekteve të tyre të kultit për të zhvilluar ceremonitë e rastit dhe për të uruar njëri tjetrit për festën.

Në Tiranë mijëra besimtarë u mblodhën në sheshin Skënderbej, ku edhe zhvilluan faljen e Kurban Bajramit.

Kryetari i Komunitetit Musliman të Shqipërisë, Skënder Bruçaj u bëri thirrje besimtarëve që t’u qëndrojnë afër njerëzve në nevojë.

Ai kërkoi që “besimtarët të forcojnë lidhjet familjare, duke respektuar më shumë të moshuarit, duke falur më shumë gabimet e njëri-tjetrit, dhe duke u përpjekur për të mirën e përbashkët”.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.