Florian Marku kampion bote, traineri grek i hedh në supe flamurin shqiptar

Tribuna TV 26 Shtator 2021

Boksieri shqiptar Florian Marku është shpallur kampion bote duke fituar brezin e IBF, pasi ka mundur me pikë ukrainasin Maksim Prodan.

Pas ndeshjes së zhvilluar në Tottenham Hotspur Stadium në Londër, traineri grek ka shkuar dhe i ka hedhur në supe Markut, flamurin shqiptar.

Momentin e fiksuar në foto, e ka komentuar kreu i komunitetit shqiptar në Selanik, Luan Zyka.

Shikoni këtë foto me Kampionin tonë Botëror te Boksit, Flori Marku.

Ai që i hedh mbi supe flamurin shqiptar është traineri i tij prej vitesh, selanikasi Georgios Armagos (Γεώργιος Αρμάγος).

Jorgos e ka spikatur që në vogëli talentin dhe shpirtin e paepur te Florit. Ai, gjithë këto vite ka qenë pranë Florit jo vetëm si mësues dhe trainer i tij, por edhe një mbrojtës dhe promovues ne shtypin dhe opinion grek.

Është emocionues ky veprim i Georgios Armagos, këtij njeriu dhe traineri të madh, që me punën e tij mbështet vlerat e larta dhe burrërore njerëzore në sport, pa dallim etnik, por duke respektuar edhe origjinën e sportistit të tij.

Ashtu siç e tregoi edhe sonte duke hedhur mbi supet e Florit, kampionit botëror, flamurin e kombit të tij, flamurin kuqezi.

Respekt dhe nderim trainerit dhe grekut të madh Georgios Armagos!

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.