FSHSHG: Kurse për mësimin e valleve tradicionale shqiptare

Tribuna TV 20 Dhjetor 2018

Pas kurseve për mësimin e gjuhës shqipe, Federata e Shoqatave Shqiptare në Greqi (FSHSHG), ka marrë një tjetër iniciativë shumë të vlefshme, në shërbim të ruajtjes dhe kultivimit të kulturës dhe artit kombëtar.

Nëse banoni në Athinë dhe doni që fëmijtë tuaj të mësojnë vallet e bukura tradicionale shqiptare, apo të dëfreni edhe ju bashkë me ta, tashmë dëshira juaj mund të realizohet.

FSHSHG njofton se kanë filluar regjistrimet për mësimet e valleve tradicionale.

Mësimet do të zhvillohen gjatë vitit 2019, nën drejtimin e koreografes Lura Llabani.

Pranohen të gjithë fëmijtë (djem dhe vajza) prej moshës 6 vjeç e deri dhe të rritur të çfarëdo moshe. Klasat do të ndahen sipas grupmoshave dhe nivelit artistik.

Federata ju fton: Ejani të njihemi e të gëzojmë duke u dëfryer me vallet tona të bukura nga të gjitha trevat shqiptare dhe jo vetëm.

Për regjistrimet kontaktoni: Tel. 6972192895 dhe në Messenger: m.me/federatashoqatave.shqiptaregreqi

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.