Gjeorgjia, hirushja e kampionatit, kualifikohet pas fitores me Portugalinë

ATSH 26 Qershor 2024

GELSENKIRSHEN, 26 qershor /ATSH-AFP/ – Gjeorgjia mposhti në mënyrë të pabesueshme Portugalinë, me rezultatin 2-0 dhe u kualifikua sonte në 1/8 e finaleve të Euro2024.
Kjo fitore e bën atë të konsiderohet edhe hirushja e këtij kampionati.
Golin e parë gjeorgjianët e shënuan me anë të lojtarit të tyre më të mirë, Kvarashkelia, pas një kundërsulmi që në minutën e dytë të ndeshjes.
Më pas, ajo thelloi avantazhin me golin e Mikautadzes, në minutën e 57-të, pasi realizoi me sukses një penallti.
Gjeorgjia po luan Euron e parë në historinë e saj.
Në raundin e ardhshëm, Gjeorgjia do të përballet me Spanjën dhe Portugalia do të luajë kundër Sllovenisë.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.