Gjokoviç fiton finalen ballkanike të ”Australian Open”

ATSH 29 Janar 2023

MELBURN, 29 janar /ATSH-AFP-DPA/ – Novak Gjokoviç fitoi sot ”Australian Open”-in e dhjetë në Melburn duke barazuar rekordin e 22 titujve Grand Slam të mbajtur nga Rafael Nadal dhe do të bëhet sërish numri një i botës të hënën, më 30 janar.

Serbi 35-vjeçar mundi në finale grekun Stefanos Cicipas 3-0 me setet respektivisht 6-3, 7-6 (7/4), 7-6 (7/5).

Ky i fundit do të jetë sërish i treti në botë të hënën, pas spanjollit Carlos Alcaraz, i cili mungoi në Melburn për shkak të një dëmtimi.

Ka komunitet të madh grek dhe serb në Melburn dhe atmosfera të kujtonte një ndeshje futbolli, me tifozët e zbukuruar me ngjyrat e vendit të tyre dhe me arbitren Louise Azemar Engzell që vazhdimisht bënte thirrje për qetësi gjatë pikëve.

Gjokoviç ishte përsëri pa babanë e tij, Srgjan, i cili vendosi të qëndronte larg nga ”Melbourne Park”, pasi u filmua me aktivistë pro rusë, javën e kaluar, dhe që sipas familjes gjithçka ishte bërë pa dashje.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.