Gjykata e Durrësit nuk i jep mandatin e kryebashkiakes Valbona Sakos

ATSH 17 Korrik 2019

TIRANE, 17 korrik/ATSH/- Gjykata e Durrësit nuk i ka dhënë mandatin e kryebashkiakes së Durrësit, Valbona Sakos e cila u shpall fituese në votimet e 30 qershorit. Vendimi është marrë sot nga gjyqtarja Mimoza Margjeka.

Në vendimin e Gjykatës së Durrësit thuhet se Partia Bindja Demokratike, që çoi në garë përballë Sakos, Valbona Sakollarin është regjistruar në Komisionin Qendror të Zgjedhjeve përtej afateve ligjore në zgjedhjet e 30 qershorit.

Në vendim thuhet se Bindja Demokratike u regjistrua në Gjykatë më 25 prill, pasi kishte përfunduar afati për regjistrimin e subjekteve zgjedhore në Komisionin Qendror të Zgjedhjeve.

Gjithashtu në vendim argumentohet duke e konsideruar të pavlefshëm përmbajtjen e fletës së votimit për kandidatët për kryetarë bashkie si dhe vendimin e KQZ-së për rezultatet e votimit në Durrës.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.