Greqi, 15 të vdekur nga Koronavirusi, 624 numri i rasteve

TV Tribuna 22 Mars 2020

Koordinatori i ministrisë së shëndetësisë për Koronavirusin, prof. Sotiris Tsiodras, me anë të një deklarate për shtyp, njofton se numri i të vdekurve në Greqi arriti në 15, ndërkohë që u evidentuan 94 raste të reja.
Në këtë mënyrë, numri i përgjithshëm i rasteve shkon në 624.
Shumica e rasteve të konfirmuara janë në Athinë. 55,7% e këtyre rasteve janë meshkuj.
Në spital po kurohen 124 pacientë, 34 prej të cilëve me respirator.
Shumica e pacientëve që po kurohen vuajnë nga sëmundje themelore. Mesatarja e moshës së tyre është 64 vjeç dhe e pacientëve me respirator, 67 vjeç.
Nga personat që humbën jetën, 14 prej tyre vuanin nga sëmundje themelore. 12 prej tyre ishin meshkuj dhe 3 femra.
Mosha mesatare e qytetarëve që humbën jetën ishte 77 vjeç.
19 prej të sëmurëve kanë dalë nga spitali.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.