Qeveria greke do të sanksionojë një shpërblim prej 2.000 euro për çdo fëmijë që lind.
Kjo masë, me buxhet 1 miliard euro, do të fillojë të zbatohet që nga 1 janari 2010 dhe do të vazhdojë.
Duke bërë publik këtë lajm, zëvendësministrja e Punës, Domna Mihalidiou, tha se këtë kompensim do ta përfitojnë edhe qytetarët e vendeve të treta që kanë më shumë se 10 vjet qëndrim të ligjshëm në Greqi.
Ajo shtoi se do të ishte padrejtësi po të mos e merrnin edhe emigrantët që kanë shumë vite në Greqi.
Zëvendësministrja e bëri këtë deklaratë duke folur për televizionin Alpha TV:
GAZETARJA: Do ta marrin kompensimin edhe emigrantët që punojnë e jetojnë në Greqi?
DOMNA MIHAILIDHOU, zëvendësministre e Punës:
Politika jonë është që ta marrin qytetarë grekë, si dhe qytetarë të BE-së, siç përcakton e drejta europiane.
Ajo që po shqyrtojmë është që mos u bëhet padrejtësi qytetarëve nga vende të treta që jetojnë prej shumë vitesh në Greqi.
Për këtë do të bazohemi në procedurat që ekzistojnë edhe për kompensimet e tjera.
Sigurisht, kur dikush është banor i Greqisë, mund të mos ketë nënshtetësinë, por jeton këtu p.sh., për 10 vjet.
Pse mos t’i jepet ky kompensim, siç u jepet edhe qytetarëve të tjerë...