Greqi, arrestohet çifti shqiptar me 32 kg kanabis te fshehur në rezervuarin e gazit

Tribuna TV 21 Prill 2018

Dy shtetas shqiptarë, një burrë e një grua, me moshë përkatësisht 43 dhe 37 vjeç, janë arrestuar në afërsi të Kosturit. Ata akuzohen për importim dhe transport droge me qëllim trafikimin.

Makina me të cilën po udhëtonin nga kufiri për në brendësi të territorit grek, u ndalua për kontroll nga njësia policore e Mesopotamisë.

Policia gjeti 31,9 kg kanabis, të fshehur në vende të posaçme në rezervuarin e gazit, si dhe në derën e portbagazhit.

Policia sekuestroi automjetin, 2.300 euro dhe 20.000 lekë, 3 celularë si dhe një dy karta sim.

Pasditen e të shtunës, të arrestuarit u dërguan në prokurorinë e Kosturit, ku iu komunikua mbajtja në paraburgim.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.