Greqi, rrëzohet avioni njëmotorrësh, dy të vdekur

Tribuna TV 22 Prill 2018

Dy persona kanë gjetur vdekjen në Greqi, kur avioni njëmotorrësh me të cilin po fluturonin, u rrëzua në një fshat bregdetar në gjirin e Korinthit. Në vendngjarje mbërritën menjëherë ekipe shpëtimi dhe forca zjarrfikëse.

Dy viktimat, të moshës 61 dhe 58 vjeç ishin nisur nga gadishulli i Eubesë dhe destinacioni i tyre ishte Mesolongi.

Edhe pse njeri prej tyre ishte gjallë në momentin e shpëtimit, nuk arriti të mbijetonte për shkak të plagëve të rënda.

Ende nuk dihen shkaqet e këtij aksidenti. Dyshohet se ka qenë një dewfekt në motorr, por po shqyrtohet edhe fakti që në zonë po frynin erëra tepër të fuqishme.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.