Greqia shënon rekord rastesh të reja: 6.808 persona të infektuar me Covid-19

TV TRIBUNA 04 Nentor 2021

Greqia ka shënuar të enjten një rekord sa i përket numrit të rasteve me Covid-19, ndërsa ngarkesa epidemiologjike po rritet në mënyrë të rrezikshme edhe në zonat jugore të vendit.

Të enjten u komunikuan 6.808 raste të reja, nga të cilat 1.475 në Atikë, 1.117 në Selanik dhe 515 në Larisa.

12 raste janë evidentuar në pikat kufitare të hyrjes në Greqi.

Numri i përgjithshëm i rasteve që nga fillimi i pandemisë është 767.376, nga të cilët 50,8% janë meshkuj.

Në 24 orët e fundit janë shënuar 42 vdekje për shkak të Koronavirusit dhe numri total i personave që kanë humbur jetën nga fillimi i pandemisë është 16.151. 95,4% e tyre kishin sëmundje bashkëshoqëruese, ose ishin të moshës 70 vjeç e lart.

Ndaje me miqte