Greqia dërgon ndihmë ushtarake dhe humanitare në Ukrainë

Tribuna TV 27 Shkurt 2022

Kryeministri grek, Kyriakos Mitsotakis ka zhvilluar të dielën një mbledhje me ministrin e mbrojtjes Nikos Panajotopoulos dhe shefin e shtabit të përgjithshëm të FA Konstantino Floro.

Sipas burimeve qeveritare, kryeministri u informua mbi zhvillimet ushtarake në Ukrainë.

Me vendim të kryeministrit, Greqia, në përgjigje të kërkesës së Ukrainës dhe në bashkërendim me aleatët e NATO-s, partnerët në BE dhe duke treguar me vepra solidaritetin ndaj popullit ukrainas, do të dërgojë brenda ditës materiale ushtarake me dy avionë transporti C-130, që do të fluturojnë drejt Polonisë.

Po brenda ditës do të dërgohet dhe një ndihmë e konsiderueshme humanitare që do të shoqërohet nga zëvendësministri i mbrojtjes, Nikos Hardalias.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.