Griezmann prezantohet tek “Barcelona”: Doja një sfidë të re

ATSH 17 Korrik 2019

Antoine Griezmann gjatë prezantimit të tij në “Camp Nou” ka dhënë shpjegime rreth vendimit të tij për të nënshkruar me Barçën.

I pyetur sepse një vit më parë vendosi të qëndronte tek Atletico, ai tha se, “Gjithmonë kam qenë shumë i sigurt për vendimet e mia. Në qoftë se unë duhet të kërkoj falje, këtë di ta bëj më mirë në fushën e blertë.”

Për largimin nga Altetico, Griezmann tha se, “është gjithmonë e vështirë për të lënë një klub me kaq shumë miq, unë gjithmonë do të ketë admirim për Atleticon, kam dhënë gjithçka deri në fund dhe nuk kam turp për vendimin tim. Doja një sfidë të re, një klub të madh ku të ndihem i rëndësishëm, ku do të kem mundësi të fitoj La Ligan, Kupën dhe Champions, trofe që mungojnë në palmaresin tim”.

I pyetur sesi ndihet përkrah Messit, ai u shpreh se, “Jam shumë i lumtur nga fakti që do të jem mundësi të luaj përkrah Messit. Ai është një legjendë për fëmijët e mi dhe do të jetë edhe për nipërit e mi. Në basketboll legjenda është LeBron James, në futboll është Messi. Është gëzim i madh të luash me të”.

Ndaje me miqte