Hapet nga sot platforma për rinovimet. Kush mund të aplikojë

TV TRIBUNA 21 Tetor 2020

Nga dita e sotme vihet sërish në funksionim platforma e aplikimeve për lejet e qëndrimit.

Të interesuarit, duhet të regjistrohen-nëse nuk e kanë bërë- dhe të kryejnë gjithë veprimet për të mbyllur takim, me qëllim që të finalizojnë procedurën e rinovimit të lejes së qëndrimit.

Por jo kushdo mund të mbyllë takim, të paktën jo në këtë fazë.

Në njoftimin përkatës bëhet me dije se

Platforma do të jetë e disponueshme VETËM për poseduesit e lejeve të qëndrimit që skaduan në periudhën kohore nga 1 dhjetor 2019 deri në 30 qershor 2020.

Pra, aktualisht, mund të mbyllin takim vetëm ata që u skadoi leja e qëndrimit deri në 30 qershor.

Kjo kategori mund të mbyllë takime në data që fillojnë nga e hëna e ardhshme, 26 tetor, deri në 31 dhjetor.

Kujtojmë se për lejet që skadonin nga 1 dhjetori i vitit të kaluar deri në 30 qershor 2020, është dhënë shtyrje deri në ditën e fundit të këtij viti, pra deri në 31 dhjetor.

Më vonë platforma pritet të hapet edhe për kategorinë tjetër, ata që lejet u skadojnë nga 20 korriku 2020 deri në 31 dhjetor.

Për këta, është dhënë një shtyrje prej 8 muajsh.

Ndaje me miqte