Hyjnë në fuqi rregullat e reja kundër COVID-19 për të pavaksinuarit

TV TRIBUNA 06 Nentor 2021

Në Greqi hynë sot në fuqi rregullat e reja për të luftuar një rritje të infeksioneve COVID-19, që përqendrohen në kufizimin e aksesit të personave të pavaksinuar në shërbimet publike.

Ligji u botua dje në Gazetën e qeverisë dhe do të jetë në fuqi deri të hënën, më 22 nëntor.

Klientët duhet të paraqesin një certifikatë vaksinimi të plotë ose një certifikatë imunizimi nga COVID-19 brenda gjashtë muajve të fundit, ose rezultate negative të testit të shpejtë ose PCR, në mënyrë që të hyjnë në dyqane, përfshirë qendrat tregtare, parukeritë, sallonet e estetikës dhe bizneset e mirëqenies, zonat e jashtme të restoranteve, parqet e argëtimit, kopshtet zoologjike dhe zonat argëtimi.

Përjashtimet përfshijnë farmacitë, kishat dhe supermarketet.

Përveç kësaj, popullsia nga 4 deri në 17 vjeç mund të paraqesin teste negative, si alternativë ndaj katër certifikatave të mësipërme.

Kufizime u vendosën edhe për punëtorët në sektorin publik dhe privat, të cilët duhet të paraqesin një test negativ të shpejtë ose PCR dy herë në javë, në vend të një here, siç kërkohej që nga fillimi i tetorit.

Ndaje me miqte