I nxehti ekstrem mbërthen Europën

ATSH 25 Qershor 2019

ROMË, 25 qershor /ATSH-ANSA/ – Europa do të preket këtë javë nga një valë e paprecedentë e të nxehtit, me temperatura që sipas meteorologëve do të arrijnë, madje do të kalojnë 40 gradë Celsius, nga Spanja deri në Svicër, nga Franca në Gjermani, sipas të përditshmes britanike “Guardian”.

Këtë rritje të temperaturës në shumë vende të kontinentit e shkakton një rrymë ajri e nxehtë që vjen nga Saharaja.

Përveç temperaturave që do të rriten shumë shpejtë duke arritur deri në 47 gradë, për shkak të lagështirës, në disa rajone ka rrezik të lartë për zjarre në pyje, përveç një rritje të nivelit të vdekshmërisë.

As vendet skandinave nuk do të kursehen, duke prekur një pjesë të jugut të Danimarkës dhe të Suedisë që parashikohet të arrijnë 30 gradë.

Ndaje me miqte