Ish mbreti i Greqisë përcillet në banesën e fundit

TV TRIBUNA 16 Janar 2023

Ish mbreti i Greqisë Konstantin është përcjellë të hënën në banesën e fundit në ish parkun mbretëror Tatoi ku ndodhen edhe varret e paraardhësve.

Ceremonia që u zhvillua në masa të rrepta sigurie filloi me meshën në katedralen e kishës ortodokse në Athinë.

Mijëra qytetarë ishin grumbulluar që herët në mëngjes për t’i dhënë lamtumirën e fundit.

Nga familjet mbretërore të Europës të pranishëm mbreti dhe mbretëresha e Spanjës, mbreti dhe mbretëresha e Holandës, Suedisë dhe Belgjikës, mbretëresha e Danimarkës, motra e mbretit Charles - princesha Eni në emër të Mbretërisë së Bashkuar, princi Albert i Monakosë, princi Haakon, Duka i madh i Luksemburgut.

Konstantini u nda nga jeta të martën, në moshën 83 vjeç, pas një sëmundjeje të rëndë.

Ndaje me miqte

About Us

Formati televiziv “TV TRIBUNA”, është oferta më e re që sjell grupi mediatik Tribuna News Network për publikun e vet shqiptar në Greqi, Shqipëri dhe mbarë botën.

Nëpërmjet edicioneve të lajmeve, reportazheve dhe intervistave televizive, por edhe bisedave në studio, ne do t’u ofrojmë bashkatdhetarëve tanë kudo që ndodhen, informacionet më të sakta dhe më të nevojshme.

Rrugëtimi që nisi rreth 15 vjet më parë me gazetën e përjavshme Tribuna (shkurt 2004), vazhdon pa ndërprerje dhe më e rëndësishmja: pa cënuar aspak vlerat profesionale, paanshmërinë, objektivitetin dhe saktësinë që ne i kemi konsideruar dhe do të vazhdojmë t’i konsiderojmë si të shenjta.